نادوسيات خرمجة الاتحاد ودوري الترضيات ناهد العطا⭐لوله⭐

نادوسيات
خرمجة الاتحاد ودوري الترضيات
ناهد العطا⭐لوله⭐

*والمدعوم حرمنا النوم….
*ومن شيكان يبكي ومهموم…..
* كيف لا يخدمه أصحاب الياقات السوداء كالعادة….
*والخلا عادتو قلت سعادتو
*متعودة دايماً
*زمان فتي الاتحاد المدلل هداياه بالكوم ….
* وتعين الحكام لمباريات المدعوم بالولاء للازرق…..
*والظلم ظلمات
*قدر ما الزول يقول خلونا في مريخنا دا مابنقدر….
*نسوي شنو مع المدعوم
*المهم المدعوم بالبيان والتلويح بالشكاوي في محاولة لإرهاب الحكام والاتحاد حياخد المعلوم….
*والا الجرسة حتدوم…
*والخرطوم ماحتنوم….
*ونجي لاتحاد معتصم ودوري الترضيات…
* وبرمجة مباريات النصف الثاني من الممتاز كوم تاني
* اختيار ملعب المدعوم لمبارياته وفي الوقت الذي يناسب الفتي المدلل
*ومع ذلك بيانات مضحكة وهزيلة وفاقدة المحتوي
*الخرمجة الجديدة بلوها واشربوا مويتها يااتحاد.،،

* كان بإمكان مجلسنا رفض البرمجة واللعب تحت أشعة الشمس الحارقة وفي نجيل استاد الخرطوم الذي يمكن أن ينعكس علي الأداء واصابات اللاعبين .
*حقك تقاوي وتقلعو حقك تحرسو ولا بيجيك..
*علي اتحاد الترضيات اللعب بعيداً عن زعيم البلاد….
*نقطة سطر جديد….
*سنضرب بيد من حديد كل متطاول علي المريخ….
*جمهورك حداك بالروح فداك…..
*مافينا متخاذل (شفوت) خلف مجلسنا ولا لبرمجة الممتاز لعيون المدعوم…
*وياهو دا السودان….
*المابضوق ايدك مابيبقى رفيقك….
*وزول بريدك زيي ماف….
*يازمن (ريدي) الخرافي. …
*والناس في وطني يعشقون السلام….
*فالسلام عليكم ورحمة الله تعالى وبركاته….
*سيدي (اتحاد) وطننا الحبيب. …
*يتقدم لك سودان المريخ بعد الود والاحترام…..
* بطلب نرجو النظر فيه والعدالة بينه والمدعوم

*اها يااتحاد (الوطن ) الحبيب….
*المريخ ينتظر العدالة ..
*ولا نعمل كاس عدالة!!!!!!
*اتذكرنا كردنة ساي….

* وصفويتنا السوتا فينا؟؟؟؟
*الصفوية خلت البسوي والمابسوي يستأسد علينا….
* بس خلاص!!!!
*عهد ولى و لن يعود….
*بالمريخ شفوت بنجيب حقنا زندية…..
*وعلي نادي (الوطنية) استمالة الاتحاد واصحاب القلوب السوداء
*وللمريخ رب يحميه
*نيرون احرق روما ليغني قصيدة…..
*والذي يعاشر الحداد لابد يصيبه بعض الشرر…..
*المريخ مابهون وخلفه اسود….
*وتبت يدين ماتبني ساس….
*المريخ تاريخ مابمحيه الاتحاد….
*المريخ انجاز مابتحرقو ولا بنقاد ….
*المريخ وطن لن يسبقنا اليه احد .
*المريخ كيان نفديه بالغالي والنفيس …..
*وحسب الخرمجة سيلعب (سيد البلد ) عصراً بشيخ الاستادات حيث النجيل الصناعي الذي يمتص الحرارة ولا يفقدها لفترات فعلي لاعبي الزعيم الحذر واللعب بهدوء وتركيز فيكفينا مالدينا من إصابات…..

*المريخ في الصدارة متحدي البحارة…..

وبرضو بحبك يامريخ
برضو بحبك يانادوس

زولي الولوف

يازول محكر
في القليب
متوسد اليد
الشمال
خليك قريب
الليل هجد
والنسيمات زي
القماري القاقو
شن طعم النعاس
والشوق وصل
ترياقو
غلبني الحساب
عدد النجوم
ياغالي
مادام البعاد
سيفنا
سنين في قصادي
ارجع يازمن
قرب لزولي
احلامو
حقق منيتي
ومنية زولي
وافكارو

ختاماً
انت الزعيم أصل الهوي وملك الملوك انت البطل