النجم للرجم :: التجاني محمد احمد :: الحبشة لايظلم فيها احد و”يجيك” هلالابي يقول ليك سرقونا
النجم للرجم ::
التجاني محمد احمد ::
الحبشة لايظلم فيها احد و”يجيك” هلالابي يقول ليك سرقونا
سويعات ويخوض سيد البلد وزعيمها الاوحد معركة الاياب امام ارتا سولار الحيبوتي وهي مواجهة تحتاج لتركيز وتناسي نتيجة الذهاب.
المريخ يرتكز علي عناصر هي الافضل في الساحة واجانب رأينا منهم ماذا يفعل “برج الفاتح” وكيف انه استطاع ان يرتقي ويعيد الآمال ويسعد الانصار.
مباراة الاياب يجب ان يدخلها الغرايري وهو يحترم الجيبوتي فكرة القدم لاتعرف غير الجاهزية والبذل والعطاء.
وعلى التونسي ان يعلم ان ارتا سولار وبمثل الطريقة التي وصل بها لشباك المريخ في الحصة الاولى يمكن ان يفعلها ثانية.
التوليفة المناسبة وهز شباك مرمى الجيبوتي مبكرا وقتل المباراة هي اولى خطوات الفوز والتأهل للمرحلة المقبلة.
المباراة اذا احسن الجهاز الفني ادارتها بطريقة صحيحة لن يحتاج المريخ اكثر من ثلاثين دقيقة فقط لحسمها والتفكير في (البعدو) كما قال التش على صفحته.
افعلوها يا رجال المريخ ولنطلق هاشتاق (البعدو) كما خطها حلواني الكرة السودانية احمد حامد التش.
افعلوها يا رفاق العجب فامثال التش يستحق ان تتجاوبوا معه من داخل الميدان وترددوا معه (البعدو).
انتم كبار السودان واحفاد الآساطير وتحملون جينات الابطال.
انتم فقط من يفاخر ويفتخر بان هناك اجيال سبقته سكبوا الدم والعرق توشحوا الاحمر وحققوا الانجاز وسطروا باحرف من نور اسم السودان والمريخ على لوح الشرف الافريقي.
انتم فقط في السودان من يستطيع ان يقول انه ينتمي لناد حقق بطولة قارية وبطولات اقليمية.
ورسالة خاصة نبعثها لابوجريشة والنفطي الجانب النفسي مهم واللاعب المنضبط هو الذي ينجح في مباراة الاياب ولا تهمنا الاسماء بقدر مايهمنا من هو الايجابي وصاحب المجهود الجبار.
بيننا والتأهل شوط واحد فقط وبامكان المريخ بما يملكه من عناصر ان يصنع الفرح.
(البعدو)
طبعا ناس المريخ ديل ناس دين وبعرفوا الله لا بعرفوا تزوير زي 2و12 لا بعرف كبيرهم يقول يعني شنو لو كذبت من اجل المريخ لا بعرفوا قصة تواطؤ في مباراتهم مع التحرير 1952 ولا بعرفوا يرقصوا مع المخلوع في استادهم ويهزوا وسطهم لا بتحدث سرقة تلفونات في بعثاتهم في الحبشة ثم يبهتون القوم الذين لديهم ملك لايظلم عنده احد.
والمريخاب ديل “شدة ماواضحين” وبعرفوا الدين اعلامهم بعد الثورة ما بطبّل لقط سمين رعى اعتصام الموز ويكتبوا للبسطاء عن الشهداء والثورة.
لايظلم عنده احد دي لو علاقتكم بالدين كويسه بتفهموا انو قالها الرسول صلى الله عليه وسلم.
اللهم صلي وسلم على كرم الخلق وخاتم الانبياء والمرسلين عليه افضل الصلاة والسلام.
قال رسول الله لأصحابه: «لو خرجتم إلى الحبشة؛ فإن بها ملكًا لا يظلم عنده أحد وهي أرض صدق حتى يجعل الله لكم مخرجاً مما أنتم فيه.
صدق رسولنا الكريم عليه افضل الصلاة واتم التسليم.
لايظلم عنده احد توضح ان هذه البلاد ورغم الكثافة السكانية العالية فانهم قوم يحترمون الضيوف وصادقين
الرسول قال هاجروا الى الحبشة ويجيك واحد هلالابي يقول ناس تسفاي سرقونا.
استغفر الله العظيم واتوب اليه من كل ذنب عظيم.
سرقوكم بالسا ؟
لما سرقوكم نايمين يعني مثلا ؟
اذا في الفندق ليه مافتحتوا بلاغات ؟
الاحباش يقولوا علينا شنو ؟ هل هي اول مرة بعثة سودانية تحل بالاراضي الاثيوبية ؟
المريخ دا قااااااعد ومن الحبشة دي ذااتها سافر جيبوتي ورجع تاني مافي لاعب قال سرقني حبشي!! !
ياربي يمكن ناس المريخ عشان مالابسين ازرق وماعندهم زول في التلاتينات اسمه هلال الحبشي ؟
حرامي “ذاتو شديد ولضيض” “يفقع” التلفون الاول والتاني والتالت ومامعروف تاني “لطش” شنو وتم التكتم عليه.
الواحد بعد دا اي بعثة للهلال في طيارة اذا قابلتك خلي بالك ههههه
9 طويلة في البعثات دي اول مرة تحصل في نادي.
الفرق واضح بين سفير الكرة السودانية المريخ وهو يصنع الاحداث بصورة ايجابية في كل مكان وبين الهلال الذي كلما شدت بعثاته الرحال الي منطقة “جابوا لينا الكلام”.
البعثات دوما تجد فيها مميز وصاحب حضور ومن يصنع برامج الترويح ولكن في بعثات الهلال يتحدثون عن حرامي تلفونات.
المهم تسافر في بعثة الهلال تعمل حسابك هههههه
ناس مفترض مباراتهم تكون مهمة وطنية يقوموا يقولوا ليك “اتسرقنا”
استغفر الله العظيم.
حاسبوا على “لغاليغكم” هههه
سؤال برئ: بعثة كاملة وفي مكان واحد كيف يدخل وسطكم “غريب” ويسرق ؟
