نادوسيات حنبنيهو ناهد العطا⭐لوله⭐

نادوسيات
حنبنيهو
ناهد العطا⭐لوله⭐

الانتماء للمريخ شرف لا يضاهي ووسام على صدور المنتمين اليه ورمز للتباهي والافتخار وحماية فرض عشق للمحبين والمريخ رجل صالح ترفرف فوق اعلامه العزة والشموخ و الكبرياء و البهاء والجمال وحوله عشاق عيونهم تشتعل بحب النجمة دمائهم حمراء همهم كيف ينقذون المريخ من الدمار الذي استوطن كل مفاصل الكيان .

دمار في اي مكان، لجنة تسيير لم تحبو دعك من السير اهم الملفات في خبر كان ، نسمع ولا نري طحين وبالاخص في موضوع النجيل لم نري هجين ولا حتي طبيعي والزمن يمضي وهاهي فترة التسيير قد انتهت وجعلت لجنة الانتخابات في حيرة هل تمدد او تعلن الانتخابات ولا توجد منطقة وسطى مابين التجديد والانتخاب فقد قضي رئيس لجنة التسيير علي شعرة معاوية التي كانت تربط بينه والجمهور الاحمر الذي اجمع عليه في سابقة لم تحدث في الكوكب الاحمر الا نادراً وكان الامل ان حازم سيكون شاخور جديد فلا هو طلع شاخور ولا قعد مساطب ولا دخل مقصورة بل بالعكس جعل اللاعبين متاخرين والاعلام الذي سانده كلام فارغ احبطنا وجعلنا نصمت ونحن في دهشة كيف اخترنا بكامل وعينا رئيس يجهل ابسط مقومات الادارة !!!!

تعاقب على رئاسة المريخ رؤساء واسماء خلدها التاريخ وبكل الالوان والانتماءات السياسية والعرقية والدينية منهم من كتب اسمه بماء الذهب مرصع بالاحمر ذهبوا وبقي المريخ منذ ان قالت ذات الاربعة عشر ربيعاً لم لا تسمونه المريخ وحتي سوداكال برغم انه مدمر المريخ الا انه والحق يقال كان معتدل في تصريحاته او تنعدم تصريحاته .
رئيس لجنة التطبيع حازم مصطفي يكثر من التصريحات والتسحيلات والتي يعلم تماما انها كانت خصم عليه وجعلت المريخ على كل لسان ولم يسلم الرؤساء السابقين ولا اللاعبين والاعلام من رزاز كلماته ولعل رئيس التطبيع الان امام خيارين التجديد او التجديد للاعبيين والتش وطيفور مطلب جمهور حتي يحافظ على ماتبقي من ود اذا كان هناك ود بينه وكوكب المريخ…..

ولعل ظاهرة تسريب التسجيلات من القروبات المتخصصة تحتاج لوقفة
و (نظافة) البيت الحل نحو مريخ (نصيح)….
وحنبنيهو
*ماهنت يامريخ يوماً علينا……

*خيرة جمهور المريخ بالقروبات هم مستقبل المريخ شباب لا هم لهم غير (الكيان) كالطود قويين بحبهم متسلحين بحماية (المريخ) فقط وهاهي النفرات تتحدث لنفرة الاستاد ونحن حالفين مابهون المريخ ونفديه بالغالي والنفيس ومهج العيون…….

*دعوة من القلب لكل التسميات والتجمعات في القروبات ازيلوا كل عضو خامل أو قليل المشاركات نظفوا قروباتنا من (الطفيلين) وسبب تشرزمنا وخلافاتنا اتلاقوا اتعارفوا اقعدوا في (الواطة) اقطعوا الطريق لمخطط يريد مساوتنا تقسيمنا ولن يهان المريخ .

* وصوتك امانة في زمتك يا شعب صفوة همتك …..
صوتك وقت قطع البحر قبال مراكب( العمدة) ضهر النيل غرق . ….
بطاقتك هويتك
*انقذوا المريخ يا ابناء المريخ

اليوم يعود زعيم السودان لمعانقة المستديرة في الكاس المحبب اليه بشيخ الاستادات
امام الاهلي الخرطوم ضمن مواجهات ربع النهائي من منافسة كاس السودان في ظل غيابات لا نخالها تؤثر علي الزعيم كل التوفيق للمريخ واكيد المتعة مع الزعيم .

برضو بحبك يامريخ
برضو بحبك يانادوس

زولي الولوف

ماليني حبك
واكتفي
عيني ماشافت
سؤال
وقلبي مابدق
بي وراك
خلقوك لي
ياملاك
وانا عيني
مليانة بيك
كل الخلوق
قدامي ناس
لا يوم بفكر
في سواك
لا دايرة غيرك
لي شريك
راجياك ياحلم
الصبا
واملي اللي جاي
انا ليك وبيك
بتم مناي
وريني من
وين ابتديك
ونرحل سوا
رحلة عمر
ونونس القمرة
ونقول
حبيتك انت
وبس كفى…..

ختاماً
انت الزعيم أصل الهوى وملك الملوك انت البطل