نادوسيات وصبينااااااها ناهد العطا⭐لوله⭐

نادوسيات
وصبينااااااها
ناهد العطا⭐لوله⭐

صبيناااااها
من غيرنا

* يا السماني عليك الله قوم جيب التاني عليك الله
* اقوان السماني بتخلي الجماعة يهرطقو ويورجغوا ويثرثروا
* السماني خلاهم (يصبوها) عديل كدا
*وكترت الهرطقة لاثبات بطولات زائفة وضحك اب سن علي اب سنين
* والتاريخ مابرحم وكلنا في الهواء سوا
*ونخلي الطابق مستور عشان (الوطن)
*وعشان حلاوة طحنية
*ونحنا اولاد النهار دا
*ومن بين كل فرق الرياضة كانت خيمة الزعيم فى وسط (الاعتصام)
* ماسيد بلد وقلبه علي الوطن
* ورفرف علم المريخ جنب علم السودان
* وكان المريخ حضور
(صبيناااااها) لمن الخوف كان مالي العيون
* وطلعت المواكب من القلعة وقالت لا
* الوطنية ماحلاوة طحنية ولا كلام وبتقال فى لحظة غياب العقل والسلام
وياالسماني عليك الله ماتجيب التاني عليك الله
*الوطنية فعل ونحنا اسياد القول والفعل
نخلي القديم ونعرف معني الوطنية
والوطن فى حدقات العيون
وانا علي اخوي وانا واخوي علي ود عمي!
دي مش برضو وطنية
التاريخ لا يرحم والوطنية دروس وعبر فلا لتغبيش الحقائق والتاريخ
ياالسماني
* تحول الخريحين لنادي الهلال لم يكن الا مقر فقط للاجتماعات حين ضيق المستعمر علي الرياضة الخناق لان التجمعيات ترهق المستعمر
* زي مواكبنا حقت (ثورة) ديسمبر المجيدة
* وصحفيي المريخ كانوا فى الموعد ابان ثورة ابادة نظام (قوش)
* ومابنكر دور الرياضة والرياضين المؤثر والكبير في الحركة الوطنية القادت لاستقلال السودان ولكن نعلم انه عندنا اغلقت السلطات الاستعمارية نادي الخريجين تم تحويل النشاط لنادي الهلال وكان ممكن يتحول لاي مكان بعيد عن اعين الاستعمار فما تشبكونا نادي الخريجين والوطنية

قدر مانقول خلونا في مريخنا دا كتاب الازرق مابريحونا وكمان التأسيس قام علي (الزعل) الهلال خرج من ضلع المريخ بزعل بشارة علي تغير الاسم من المسالمة للمريخ
والزعلان كلمو يقع الهلال كلمو

*الوطنية في الشعر عند د عمر محمود خالد لما قدم ازرقكم علي الاحمر
قبل الازرق قبل الاحمر لازم يرف علم السودان
عاش السودان ويالسماني

* السر قدور ربنا يديه العافية قال (لسيد البلد) في عام 1987 أحمـر خطـر ،، أصفـر بهر مريخنا فوق فوق للقمر.. ما بنسى ليلة نحن عايشين في سمر..
 ليلتنا كانت أبهى ليلات العمر..
 ناس الهلال نيران عذابن تستعـر.. يوم الدحيش مزق شباك..
مزق قلوب وأنهى العراك.. بى قون جميل مريخـنا أحرزوا وانتصر..
مريخنا يا (سـيد البلد) يا اللينا أنجزت الوعد.. أفراحنا فاقت كل حد.. وغـيرنا ميتين بالكمد..
حققت كاسات للبلـد.. ذكراها تبقى إلى الأبد..

*السماني تلحقني وتفزعني

ولان التاريخ لا يرحم ولا ينسي فالزعيم ملئ باسماء الشعراء والفنانين والزعماء من كل اطياف التجمعات والاحزاب السياسية
السيد عبد الرحمن المهدي، السيد الصديق المهدي ، (اسماعيل الازهري)، جعفر نميري
مبارك سنادة ،خالد حسن عباس ،ابو القاسم محمد ابراهيم ،ابو القاسم هاشم ،مامون عوض ابوزيد ،ابراهيم السنوسي ،جون قرنق
رياك مشار ،عبد الباسط سبدرات،ابراهيم عوض
الحاج محمد احمد سرور، ابو الجود
ابراهيم الكاشف ،السر قدور ،ابونا حميد، عمر محمود خالد ،مرسي صالح سراج ،عبد العزيز محمد داؤود ،ابراهيم الكابلي
ابراهيم حسين ،حمد الريح ،عبد القادر سالم ،محمد النصري
محمود عبد العزيز
الفاتح قميحة ،الامين البنا ، علي شمو.محمد حسن علي (الجقر)،ابنه / احمد البنا ،اولاد الصادق ،النور الجيلاني وغيرهم كثر
المريخ وطن فن وكورة

* والاحمر دماء السودان الروت الارض علي مدي الازمان و(اشرف الالوان) والاصفر ذكر في القران وكمان فاقع
{قالوا ادع لنا ربك يبين لنا ما لونها قال إنه يقول إنها بقرة صفراء فاقع لونها}
ويالسماني عليك الله
* المريخ وطن نفخر بالانتماء له وتداخلات السياسة في الرياضية لن تزيل (الصفر الدولي) ولا اقوان السماني متخصص هدفي القمة

* لاعبي المريخ كانت لهم وقفة ضد زيارة قوش .
* نرفضها جملة وتفصيل فثورتنا مهرت بدماء الشهداء
والسبت اخضر

وبرضو بحبك يامريخ
برضو بحبك يانادوس

زولي الولوف

ياريتو
لو رجع الزمن
طارني
لأيام هناي
ياريتو
كان فج الغيوم
متوسداك
أفق سماي
ياريتو
ودع هاالحزن
ياريتو
ماتجرع شقاي
ياريتني
جنبك
شأن
حبك دماي
ماكنت
خليتك تنوح
أو الحزن
يعرف ليك طريق
ياسيد هواي

ختاماً
انت الزعيم أصل الهوي وملك الملوك انت البطل