الأعمدة

نادوسيات سيد البلد للاهلي ضرب ناهد العطا⭐لوله⭐

نادوسيات
سيد البلد للاهلي ضرب
ناهد العطا⭐لوله⭐

كانت رباعية هكذا تمنيتها….
طيفور، بيبو، السماني،
بس الحكم نقض هدف السماني وعليك الله ماتجيب التاني عليك الله
وثلاثية نارية اخترقت الشباك الأهلاوية…..
مريخ الجمال دق التمام ومن شيكان سطع بالكمال…..
ومن ركنية بيبو العكسية للقائم حولها طيفور رأسية هدف حلو وملعوب وطيفور دخل القلوب…..
وقام السماني جاب التاني ….
وفي شمال الحارس بيبو يسدد بانفراد هدف من مسافة ولا احلي….
لا نقص ولا اصابات ولا بدايات المريخ بمن حضر….
اولادنا تمام ومافي كلام ….

لا تفريط في نقاط المباريات وأولادنا حافظين وواعين….
وشربنا التبلدي بمزاج بدرة شيكان….
بيبو حضور والق وتهديف الود حريف…..
طوعنا المستحيل وقهرنا الصعاب وحققنا المراد….
ثلاث اهداف وثلاث نقاط ثلاثية في عين الما يصلي علي النبي….
*المريخ بمن حضر وبالامس كانت هناك ملامح من مريخ بحثنا عنه طويلاً
*صاحبت المباراة اخطاء و توهان قليل ولعلها اثار رمضان مع ان الديسكو استطاع إدارة المباراة والوصول لبر الامان….

*تسلقنا الجبال ورقصنا وصوت الكرن يدعونا للاحتفال…
*كيف لا نحتفل والمريخ سعدنا ومصدر فرحنا…..
*كيف لا نحتفل ونحن نرى بداية عودة الروح لمريخ الجمال!!!!
*سنحتفل ونرقص الكرن في السودان متعدد الثقافات…متعدد الاعراق ….متعدد الاجناس ….متعدد اللغات. ….
*ووفق كل تعدد تتعدد الثقافات والفلكلور الشعبي والعادات والتقاليد….
* لنرتاح مع اغاني الحنية والحب والاهل والشوق للبلد عند اهلنا الشوايقة (ويايمه رسلي لي عفوك ينجيني من جور الزمان ) و (سوقني معاك ياحمام محل ماالحبيبة قريبة تراعي الغمام)….
*ويلا شندي نزور الحبايب حيث اغاني الحماسة والرجولة واهلي الفرسان و (نصقر) مع (البشرى جاد السيد ) (في محكر الديوان)وتمتلي الدار باحفاد المك نمر ويبدا عربون الجلد والبطان بين زغاريد البنوت وركزة الابطال……
*وشرقنا الحبيب نتمايل طرب مع السيوف حتي ولو كانت بالرطانة فاللحن يجذب المستمع للاستماع بالاغاني وترك المعنى فالاذن تعشق قبل العين احيانا….
*ولسة جنوبنا والطرب الحنين ويامسافر جوبا…..
*في الوسط كلا يغني علي ليلاه ،..
*في الغرب حكاية ….متعة في الثقافة
*كل منطقه فيه تحكي عن الروعة….
*وبعجبني المردوم
*وفي الليالي القمرية بجوار (الجبال)
*واشهر الجبال في السودان
جبل مره
جبل البركل
جبل الضيقة
جبل ابوعلي
*وفي جبال كردفان وكادقلي يحلو (الكرن)….
*يوم في عز الليل صوت الكرن جاني
مشيتا للحفلة
لقيتا (زنوبة)
(والانضباط نتمناه في فندق
زنوبيا فالابيض ليس مصر وزنوبيا ليس موفنبيك)
داير اقول ليها
احكيلا عن حبي
احكيلا عن شوقي
شعرت برجفة
طار الكلام مني
وحبيتا زنوبة
ولسه الخير مترامي
ومبارك النقاط وهدف بيبو وبداية طيفور الوصول للشباك

وبرضو بحبك يامريخ
برضو بحبك يانادوس

زولي الولوف

ياموهدب القلب الليك
ومشحتف الروح لمجيك
يالهفة الريد والهيام
ورغبة الشوق والنزوع
انا ماوريتك صبوة
حني ليك
وقتين يتاورني الاشتياق
وابتسم
صورتك حداي
اسمك جواي
صوتك معاي
ياسيد الاسم
ونغمة الريد
يامناي
ختاماً
انت الزعيم أصل الهوي وملك الملوك انت البطل

زر الذهاب إلى الأعلى
error: Content is protected !!