نادوسيات : بداية الغيث ثلاثة نقاط

*بثلاثة أهداف حلوين وملعوبين باتقان….
* المريخ يقهر الصعاب والنقص والظروف….
* ويضع اول ثلاثة نقاط في رصيده…..

*ويتصدر مجموعة جبل اولياء بأمان ….

*ويفرح الجمهور ويسعد قاعدته العريضة في كل مكان …..
*مريخ الطرب والعجب وللون ضرب …

*رغم النقص والخوف النتيجة تلاتات

*بداية الغيث ثلاثة أهداف وثلاث نقاط….

*متعه ورشاقة وامتاع وابدع الشباب في الميدان…
*تلاته أهداف حلوين من الاحتياطي والشباب الفنان….

* عزام والضي ونوح بردو الروح …
*والروح مشحتفة بالزعيم…
* تلاته نيسانات ياحليل البلوم
* الخطير عزام ربط الحزام وهدف البداية والتمام….
*وإكمال الشوط الأول بسلام
* ود الضي رسم لوحة الجمال بهدف تاني ياسلام…..
* وكان الامان من بتوقيع الجزولي ودقينا التمام
* والزعيم نار منقد عديل….
*فريق يعسكر بمصر وعينو علي الابطال…..

* والفريق الثاني في الممتاز والصغار دقر ياعين….

* وابراهومة في الميدان في الكنبة في اي مكان…..
* فاز الزعيم علي البحارة بالصف الثاني الابطال…..

*وبدأت العروض الجادة وده المريخ وما في كلام…..
*ماشين كويس بفضل الرحمن….
*غايتو المتعه مع الزعيم او البارسا وارسنال….
*ياتشجع الزعماء او تكون خسران….
*سألتكم بالذي ركز الأرض معبد ….
*في احلا من تشجيع زعيم وسيد البلد ياانسان
*بالامس اعاد لنا الشباب حلاوة متابعة الزعيم….
*وبرغم غياب الاساسيين
كسبنا شباب واعدين…..
*وتيمين واحد للممتاز والتاني للابطال….
دقر ياعين

وبرضو بحبك يامريخ
برضو بحبك يانادوس

زولي الولوف
الليل هجع
جانا النيسم
من غادي
شايل سلام
واشواق تنادي
وريحة الجروف
بلسم للجروج
وندهت ليك
وجهك ظهر
ف عتمة الليل
البهيم
والقماري بيقاقو
والنوم شرد
حسب النجوم
واعادو
شن طعم النعاس
والشوق وصل ابعادو

ختاماً
انت الزعيم اصل الهوى وملك الملوك انت البطل